Labway 海參專家為你介紹一道簡單又滋補嘅「北海道遼參養生湯」，材料簡單、步驟輕鬆上手👏。即刻睇睇點整啦！
🥢食譜：北海道遼參養生湯（4–5 人份）
材料
- 北海道遼參（已浸發） 每人 1–2 條
- 排骨 60g
- 金華火腿（偏瘦） 2–3 片（切粒）
- 粟米 1–2 條（切段，粟米鬚可一併使用）
- 乾貝 20 粒
- 龍眼肉 10 粒
- 鹽 適量
簡單 6️⃣ 步
- 先將金華火腿切粒，粟米切段備用。
- 煲滾水，落火腿粒滾幾分鐘再撈起（咁樣湯會更香）。
- 排骨汆水去血水同雜質，撈起備用。
- 煲滾水，放入粟米、火腿粒、乾貝、龍眼肉同排骨；大火滾開後轉細火慢煲大約 2 小時。
- 試味，如唔夠鹹就加少少鹽調味。
- 最後放入北海道遼參，再滾 10–15 分鐘就完成
🗒️貼心小提示
- 想食到完整原條遼參口感，建議最後 10–15 分鐘先落，若想湯更濃郁可一開始就同其他材料一齊落。
- 粟米鬚有助袪濕同護心血管，唔使剪走，可連粟米一齊落湯。
- 唔知金華火腿邊度有得賣？可以去我哋母公司安興號買。如果買1隻，1斤： $65 。如果買散裝，1斤： $80
📖營養資訊
🌊 海參：低脂肪、低熱量、接近零膽固醇，蘊含超過50種營養，包括18種人體必須胺基酸，健康價值天然又全面，滋補養生效果一流
🌽 粟米：蘊含豐富的維生素E，有助健脾開胃；粟米鬢則有助促進身體多餘水份代謝，排走體內濕氣，更有助降血糖、穩定血壓，對關注心血管健康人士十分有益
🧑🏫浸發教學（大概需時 3 日）
第 1 日
- 乾海參先用清水浸 5–6 小時，沖淨表面；落沸水煮約 10 分鐘，關火蓋住放涼，放入雪櫃浸一晚。
第 2 日
- 沿腹部剪開，清洗入面，拔出內臟，但記住保留內筋（好有營養）。
第 2–3 日
- 每日換水一次，繼續放雪櫃浸 1–2 日，直到海參發大約 3–4 倍長。瀝乾後用保鮮紙或密封袋包好放入冰格，可保存約 1 個月。
